🌾शिरढोण ग्रामपंचायत🌾

आमच्या गावाबद्दल

शिरढोण हे गाव पनवेल तालुक्यापासून ८ किलोमीटर अंतरावर वसलेले आहे.जसे रायगड जिल्ह्याला ऐतिहासीक वारसा लाभलेला आहे. त्यातिल मुख्य नाव आद्य क्रांतिवीर वासुदेव बळवंत फडके यांचा जन्मगाव असल्यामुळेशिरढोण गावाला ही ऐतिहासिक वारसा लाभलेला आहे. गावाच्या मध्यभागी तलाव आहे, तलावाच्या सभोवताली मंदिरे आहेत. गावाचे ग्रामदैवत खंजिरा मारुती आहे. तसेच गावात मरूआई ग्राम देवी वाघेश्वर,येसू आई , बापदेव, गणपती मंदिर व श्रीराम इत्यादी मंदिरे आहेत. तसेच याशिवाय या गावात आद्य क्रांतिवीर वासुदेव बळवंत फडके यांचा जन्मस्थळ(फडके वाडा), स्मृती मंदिर व हुतात्मा स्मारक आहे.
गावात ४ नोव्हेंबर रोजी आद्य क्रांतिवीर वासुदेव बळवंत फडके यांची जयंती व १७ फेब्रुवारी स्मृतिदिन मोठ्या उत्साहात साजरा केला जातो. तसेच गावात एकोपा असल्याने हनुमान जयंती, गुढीपाडवा,गणेश जयंती, श्रीराम नवमी ,दत्त जयंती हे सण व सर्व धार्मिक,सामाजिक कार्यक्रम सलोख्याने मोठ्या उत्साहात साजरे केले जातात.
गावात सर्व गावकरी मिळून विविध उपक्रम व योजनांचा लाभ घेतात व योजना राबवतात. गावात आरोग्य शिबीर, नेत्र चिकित्सा शिबिर असे विविध उपक्रम राबविले जातात.